ლიტვის იუსტიციის მინისტრი სართიჭალის საზოგადოებრივ ცენტრს ესტუმრა

თარიღი: 03 მარტი 2015
ლიტვის იუსტიციის სამინისტროს დელეგაციას, რომელიც თბილისს დღეს გამთენიისას ეწვია, მინისტრი იუზას ბერნატონისი ხელმძღვანელობს. ლიტველ კოლეგას აეროპორტში საქართველოს იუსტიციის მინისტრი დახვდა. მოგვიანებით იუზას ბერნატონისმა და თეა წულუკიანმა შეხვედრა გამართეს საქართველოს პრემიერ-მინისტრ ირაკლი ღარიბაშვილთან, რის შემდეგაც ლიტვის იუსტიციის მინისტრი სართიჭალის საზოგადოებრივ ცენტრს ეწვია.

ლიტველ სტუმარს საზოგადოებრივი ცენტრის კონცეფცია და მუშაობის სპეციფიკა მინისტრის მოადგილე მიხეილ სარჯველაძემ და სახელმწიფო სერვისების განვითარების სააგენტოს თავმჯდომარე შიო ხეცურიანმა გააცნეს.

ლიტვის იუსტიციის მინისტრის ვიზიტი ორდღიანია და მას საქართველოს იუსტიციის სამინისტრო მასპინძლობს. 4 მარტს დაგეგმილია მინისტრის ტური და პრეზენტაციები თბილისის იუსტიციის სახლში.

ლიტვის იუსტიციის მინისტრი საქართველოში იუსტიციის სახლებისა და საზოგადოებრივი ცენტრების  კონცეფციისა და მუშაობის სპეციფიკის გასაცნობად ჩამოვიდა.