იუსტიციის სამინისტროს უკრაინის დელეგაცია ეწვია

თარიღი: 06 მარტი 2015
იუსტიციის სამინისტროს უკრაინის დელეგაცია ეწვია. დელეგაციის წევრები იუსტიციის მინისტრის მოადგილე მიხეილ სარჯველაძემ მიიღო. უკრაინის სამთავრობო დელეგაციას მინისტრთა კაბინეტის მინისტრი ანა ონიშჩენკო ხელმძღვანელობს. შეხვედრაზე მხარეებმა საქართველო-უკრაინას შორის გამოცდილების გაზიარების შესახებ ისაუბრეს. განსახილველ საკითხებს შორის  ევროკავშირთან ინტეგრაციისა და იუსტიციის სახლების კონცეფციის გაცნობა იყო.
 
აღსანიშნავია, რომ დელეგაციის წევრები იუსტიციის სახლშიც იმყოფებოდნენ, სადაც იქ არსებული სერვისების შესახებ ინფორმაცია მიიღეს და მუშაობის სპეციფიკას გაეცნენ. უკრაინის დელეგაციის წევრებმა შეხვედრები გამართეს, ასევე, პრემიერის აპარატსა და პრეზიდენტის ადმინისტრაციაში. დელეგაცია საქართველოში 8 მარტამდე დარჩება.