საქართველოს იუსტიციის მინისტრის მოადგილედ სოსო გიორგაძე დაინიშნა. მინისტრის მოადგილის თანამდებობას სოსო გიორგაძე 1-ლი ოქტომბრიდან იკავებდა. 24 დეკემბერს, იუსტიციის მინისტრად გოჩა ლორთქიფანიძის დანიშვნის შემდეგ, კანონმდებლობის შესაბამისად, მას უფლებამოსილება შეუწყდა და იმავე თანამდებობაზე ხელახლა დაინიშნა.
საქართველოს იუსტიციის სამინისტროს სისტემაში სოსო გიორგაძე 2013 წლიდან მუშაობს. სხვადასხვა დროს ის ხელმძღვანელობდა მოქალაქეობისა და მიგრაციის სამსახურს, შემდგომ – სახელმწიფო სერვისების განვითარების სააგენტოს; 2019 წლის ივნისიდან 2020 წლის 1-ლ ოქტომბრამდე იუსტიციის სახლის აღმასრულებელი დირექტორის თანამდებობას, 1-ლი ოქტომბრიდან კი, იუსტიციის მინისტრის მოადგილის პოსტს იკავებდა.
სოსო გიორგაძე იუსტიციის მინისტრის მოადგილის რანგში კურიერებას გაუწევს საჯარო სერვისების მიმართულებას.